Thlen nghakhlel taka ka chuanna Rel chu nidang ang bawkin tlan zur zur mahse kan vangkhaw hring nghial thlen ka nghahhlelh luat vang a ni mahna a lir beuh beuh ni ber hian ka hre pek a. Tlan muang ti hle mahila hunrei tak ka hmu tawh loh ram hring nghial leh tlang inkhawh sung maite, boruak thiang rimtui chem chem ka hmu ka, ka dawng ve leh ta hlawl erawh hlu ka ti ngawih ngawih thung. Tiang khawp hian boruak thiang rim a lo tui ngai a, khawvel hi a lo mawi thei a ni tih ka lo theihnghilh lek lek tawh tih ka hre thar leh ta bawk.
Hlawl mai a, kan vangkhaw hring nghial mai chu kan thleng ta hlawl mai le. Ka bag neih ve chhun Ui pum tia lek chu hmanhmawh takin ka la a, ka thawmhnaw leh bag paw zual chu beng fai thuak thuakin kan vangkhaw hring nghial leilung ngei dai leh turin Rel atang chuan ka pen thla ta a.
Rel ka chhuahsan fel chiah tihah chuan ka ngaih em em thin, keiin ka ngaih ai maha an ni’n min ngaihna tam zawk hial tura mawi ka nu leh pate hlim leh nghakhlel taka min lo nghak reng tawhtute chu ka hmu nghal var a. Hlim leh inthlahlel taka kan inkuah leh ta chu a nuam in, hlu ka ti vawng vawng.
Ka nu leh pate nen kan inkuah reng chunga kan vangkhaw hring nghial, chuan hnuai lam ka hawi thlak nak chuan ka lunglai luahtu, sam rangkachak rawnga tle siau leh cherry rah hmin ang maia hmui sen no chek Mary ngei mai kan lam pana lo tlan chu ka zu hmu a. Theih se chuan rawn thlawh chho hial duh ve turah ka ngai a, phur ru tak phur hluai anga lan hreh ve deuh si, chak fahrana rawn tlan hial duh, mahse tlan hlawk hlawk em chu zia lo ti chung si lai tak chunga inngaih-tuah buai vel chu he ka thinglung hian alo chhiar hman vek bawk si a, a nuam eee hreawm!
Kan in hlui ve thawkhat tak pawh chu a ngaite in alo la ding ve bam a. Rawng \hen khat a khawk in, hmun then khat chu a lo khi ve tiam tawh bawk. Kan in kianga infiam nan kan hman a, inbihruksiak nan leh inum kuak nan taka kan hma thin Sasaw thing tar lam tawh pawh chu a ngai tein alo la ding tawi bum bawk. Veng hnuai lama kawng kal reih, rangkachak rawnga sam tle siau, cherry rah hmin ang maia a hmui sen no chek thin Ka Mary nen inkai rial chunga lamtluang kan zawh a, duhthu kan samna thin ngei pawh chu a ngaite in a lo la inkham reih bawk.
Kan In hlui tawt leh hlui ve rap tawhah chuan hlim takin kan lut a, kan In chhung ngei ka dai leh ta, a va'n hlu em! Thenawm khaw veng hawihawm tak takte rawn chuangkai nghal varin, seih sakhmel inban tawn chungin kut thingin chibak kan inbuk tawn liai liai a, zawhna min zawt nak nak a, titi karlakah kan nui leh ham ham thin bawk a, hlimawm dangdai tak chu a ni.
Chutih lai chuan ka harh hlawl a, kan hawichhuah nak chuan bang vaivut bawh chuk, uk khuk mai chuan min lo la hual kual pup reng a, kan vangkhaw hring nghialah reng reng ka lo awm awzawng lo a, ka mumang lek chu lo ni in. Tang vengtu chu silai keng chungin alo vei kual leh thauh thauh tawh a, sipain puithiam pawh chu zawi fe hian alo la mu tlan bawk a, hrilh a va'n hai duh ngawih ngawih ve le!
Chu ka tawnmang ram tuam taka ka lo chenna kan vangkhaw hring nghial chuan ka lung a ti leng a. Ka chun leh zua bakah ka lungdi Mary ka ngaih a zual em em a. Kan in kianga sasaw thing din tawi bum hlim hnuaiahte chuan suangtuahnaa mu zal in, rilru kawm melh melh chunhin Jail pindan zim, chep leh hreawm takah chuan phur lo niangin hun ka hman chhunzawm leh ta. Kan vangkhaw hring nghial kha tawn ni ala awm leh em ang tia inhnem chungin hman hmawh lo fahhrana hun leh ni inher buk buk chu ka chhiar nawn poh chu a ngai tlat si a le!
---------------
He hla Claude "Curly" Putman Jr. a phuah 'Green green grass of Home' tih ka ngaihthlak chang apiang hin lunglenna rau mak takin min man leh \hin. A chan hi ning tak chunga damdawi In a awm hrep hnu, chhuah theih kan inbeisei hnai tawh laia natna dang khirh zawk hmu belh a, hun rei tak awm belh leh ngai tur ang maia beidawnthlak ni ve tur angte ka han chan a. Claude "Curly" Putman Jr. hi ka lainat thar leh thin a, lung a tih len rual in, lung a tizing lawi bawk a. Jail tan (amah hian jail a tang tak tak em tih erawh ka hre bik miah chuang lova) min tihreh ngawih ngawih bawk.
He country hla tha tak 'Green green grass of home' hi kum 1965 khan Porter Wagoner-a sak chu tlanzarh a ni a, Porter Wagoner hi khawvel hriata sa lartu hmasa ber a ni ta awm e! Hemi hnu hian zaithiam hrang hrangte chuan an sa deuh fur hlawm a, khawvel leh Mizote pawhin kan ngai-nat tak deuh ber erawh chu Kenny Rogers-a sak,kum 1977 a tlangzarh tak kha a ni thung awm e.
American hlaphuah thiam Claude "Curly" Putman Jr. hi ni 20th, November 1930 khan Princeton, Jackson County, Alabama, United States-ah a piang a. A hla phuah zingah Jail tanna lam hawi "Green green grass of home' leh ‘The Prison Song’ tih bakah a hla dang 'Set me free' tih chu a hla phuah lar leh mi duh hlawh zual zinga mi an ni.
Tarlan tawh angin he 'Green green grass of home' hi a mawi a, lung a tilen theih em vangin he hla hi let lovin, hla thawnthu velah kan zam ral a, tihian kan han sualthlu ve rawih chu a nih tak ber hi! In lunglen a chawk tho ang nge? in lunglen a lo hnawt \iau lek zawk ang tih erawh ngaihtuah tham tak a ni, te ka'n ti ve luklak a ni.
Hlawl mai a, kan vangkhaw hring nghial mai chu kan thleng ta hlawl mai le. Ka bag neih ve chhun Ui pum tia lek chu hmanhmawh takin ka la a, ka thawmhnaw leh bag paw zual chu beng fai thuak thuakin kan vangkhaw hring nghial leilung ngei dai leh turin Rel atang chuan ka pen thla ta a.
Rel ka chhuahsan fel chiah tihah chuan ka ngaih em em thin, keiin ka ngaih ai maha an ni’n min ngaihna tam zawk hial tura mawi ka nu leh pate hlim leh nghakhlel taka min lo nghak reng tawhtute chu ka hmu nghal var a. Hlim leh inthlahlel taka kan inkuah leh ta chu a nuam in, hlu ka ti vawng vawng.
Ka nu leh pate nen kan inkuah reng chunga kan vangkhaw hring nghial, chuan hnuai lam ka hawi thlak nak chuan ka lunglai luahtu, sam rangkachak rawnga tle siau leh cherry rah hmin ang maia hmui sen no chek Mary ngei mai kan lam pana lo tlan chu ka zu hmu a. Theih se chuan rawn thlawh chho hial duh ve turah ka ngai a, phur ru tak phur hluai anga lan hreh ve deuh si, chak fahrana rawn tlan hial duh, mahse tlan hlawk hlawk em chu zia lo ti chung si lai tak chunga inngaih-tuah buai vel chu he ka thinglung hian alo chhiar hman vek bawk si a, a nuam eee hreawm!
Kan in hlui ve thawkhat tak pawh chu a ngaite in alo la ding ve bam a. Rawng \hen khat a khawk in, hmun then khat chu a lo khi ve tiam tawh bawk. Kan in kianga infiam nan kan hman a, inbihruksiak nan leh inum kuak nan taka kan hma thin Sasaw thing tar lam tawh pawh chu a ngai tein alo la ding tawi bum bawk. Veng hnuai lama kawng kal reih, rangkachak rawnga sam tle siau, cherry rah hmin ang maia a hmui sen no chek thin Ka Mary nen inkai rial chunga lamtluang kan zawh a, duhthu kan samna thin ngei pawh chu a ngaite in a lo la inkham reih bawk.
Kan In hlui tawt leh hlui ve rap tawhah chuan hlim takin kan lut a, kan In chhung ngei ka dai leh ta, a va'n hlu em! Thenawm khaw veng hawihawm tak takte rawn chuangkai nghal varin, seih sakhmel inban tawn chungin kut thingin chibak kan inbuk tawn liai liai a, zawhna min zawt nak nak a, titi karlakah kan nui leh ham ham thin bawk a, hlimawm dangdai tak chu a ni.
Chutih lai chuan ka harh hlawl a, kan hawichhuah nak chuan bang vaivut bawh chuk, uk khuk mai chuan min lo la hual kual pup reng a, kan vangkhaw hring nghialah reng reng ka lo awm awzawng lo a, ka mumang lek chu lo ni in. Tang vengtu chu silai keng chungin alo vei kual leh thauh thauh tawh a, sipain puithiam pawh chu zawi fe hian alo la mu tlan bawk a, hrilh a va'n hai duh ngawih ngawih ve le!
Chu ka tawnmang ram tuam taka ka lo chenna kan vangkhaw hring nghial chuan ka lung a ti leng a. Ka chun leh zua bakah ka lungdi Mary ka ngaih a zual em em a. Kan in kianga sasaw thing din tawi bum hlim hnuaiahte chuan suangtuahnaa mu zal in, rilru kawm melh melh chunhin Jail pindan zim, chep leh hreawm takah chuan phur lo niangin hun ka hman chhunzawm leh ta. Kan vangkhaw hring nghial kha tawn ni ala awm leh em ang tia inhnem chungin hman hmawh lo fahhrana hun leh ni inher buk buk chu ka chhiar nawn poh chu a ngai tlat si a le!
---------------
He hla Claude "Curly" Putman Jr. a phuah 'Green green grass of Home' tih ka ngaihthlak chang apiang hin lunglenna rau mak takin min man leh \hin. A chan hi ning tak chunga damdawi In a awm hrep hnu, chhuah theih kan inbeisei hnai tawh laia natna dang khirh zawk hmu belh a, hun rei tak awm belh leh ngai tur ang maia beidawnthlak ni ve tur angte ka han chan a. Claude "Curly" Putman Jr. hi ka lainat thar leh thin a, lung a tih len rual in, lung a tizing lawi bawk a. Jail tan (amah hian jail a tang tak tak em tih erawh ka hre bik miah chuang lova) min tihreh ngawih ngawih bawk.
He country hla tha tak 'Green green grass of home' hi kum 1965 khan Porter Wagoner-a sak chu tlanzarh a ni a, Porter Wagoner hi khawvel hriata sa lartu hmasa ber a ni ta awm e! Hemi hnu hian zaithiam hrang hrangte chuan an sa deuh fur hlawm a, khawvel leh Mizote pawhin kan ngai-nat tak deuh ber erawh chu Kenny Rogers-a sak,kum 1977 a tlangzarh tak kha a ni thung awm e.
American hlaphuah thiam Claude "Curly" Putman Jr. hi ni 20th, November 1930 khan Princeton, Jackson County, Alabama, United States-ah a piang a. A hla phuah zingah Jail tanna lam hawi "Green green grass of home' leh ‘The Prison Song’ tih bakah a hla dang 'Set me free' tih chu a hla phuah lar leh mi duh hlawh zual zinga mi an ni.
Tarlan tawh angin he 'Green green grass of home' hi a mawi a, lung a tilen theih em vangin he hla hi let lovin, hla thawnthu velah kan zam ral a, tihian kan han sualthlu ve rawih chu a nih tak ber hi! In lunglen a chawk tho ang nge? in lunglen a lo hnawt \iau lek zawk ang tih erawh ngaihtuah tham tak a ni, te ka'n ti ve luklak a ni.
Comments
Post a Comment